Last updated: 8 September 2026

شروط الاستخدام

الشروط دي بتنظم استخدامك لموقع brandskool.net وصفحاته، والتدريب المجاني، والاستشارة المجانية، ودبلومة البراندنج. باستخدامك للموقع أو تسجيلك في التدريب أو حجزك استشارة، بتوافق على الشروط دي وعلى سياسة الخصوصية.

١. مين اللي بيقدم الخدمة

الموقع والخدمات بتقدمها شركة برندسكوول للتسويق الإلكتروني (شركة ذات مسؤولية محدودة)، BrandSkool for E-Marketing LLC، سجل تجاري رقم 272903 (استثمار القاهرة)، رقم تسجيل ضريبي 776-547-364، مقرها 322 شارع شيري، الغردقة، البحر الأحمر، مصر. في الشروط دي "إحنا" أو "BrandSkool" يقصد بيها الشركة.

٢. التدريب المجاني

• التدريب المجاني فيديو مسجل بيتاح ليك بعد التسجيل بالاسم والإيميل ورقم الواتساب، للاستخدام الشخصي والتعليمي فقط.
• مش مسموح تنزّل الفيديو أو تسجّله أو تنسخه أو تعيد نشره أو تشاركه مع الغير بأي وسيلة.
• نقدر نعدّل التدريب أو نوقف إتاحته في أي وقت من غير إشعار مسبق.

٣. الاستشارة المجانية

• الاستشارة بتتقدم بعد الإجابة على أسئلة التأهيل، وهدفها نحدد لو الدبلومة مناسبة لمرحلتك. نقدر نعتذر عن الاستشارة أو نلغيها لو لقينا إنها مش هتفيدك.
• الاستشارة على Zoom في المعاد اللي بتختاره، وتقدر تعيد جدولتها أو تلغيها من لينك Calendly اللي بيوصلك.
• عدم الحضور من غير إلغاء ممكن يمنع حجز معاد تاني.
• الاستشارة مجانية ومفيهاش أي التزام عليك بالشراء.

٤. دبلومة البراندنج المدفوعة

• الاشتراك في الدبلومة بيتم بعد الاستشارة، وبموجب اتفاقية اشتراك واتفاقية عدم إفصاح بتوافق عليهم قبل بداية التدريب.
• الأسعار بتختلف حسب الباقة (لايت، برو، إيليت) وبتتحدد وقت الاشتراك، وممكن تتغير لدفعات جديدة.
• شروط الدفع والتقسيط والإلغاء والاسترداد موضحة في القسم ٥ تحت.
• الحصول على الشهادة مشروط باستكمال مشروع التخرج بالكامل ونشره على Behance حسب متطلبات الدبلومة.

٥. شروط الحجز والدفع والاسترداد

• لو بتسلم التاسكات في معادها وبتحضر الجلسات، هنكمل نتابع معاك من غير أي فلوس زيادة لحد ما تخلص مشروع التخرج، في حدود مدة المتابعة بعد التخرج (المينتورشيب) بتاعة باقتك:
  • باقة لايت: 6 أسابيع
  • باقة برو: 12 أسبوع
  • باقة إليت: 6 شهور
  الضمان ده معناه إننا نكمل معاك متابعة ودعم زيادة، مش استرجاع فلوس.
• تقدر تسترجع فلوسك خلال 14 يوم بس من تاريخ الدفع. المبلغ اللي بيرجعلك هو اللي دفعته، ناقص 1,000 جنيه عن كل جلسة فردية اتحجزت (بتتحسب حتى لو محضرتش الجلسة)، ناقص 500 جنيه عن كل لايف جماعي اتعمل من بداية الدفعة بتاعتك (بيتحسب حتى لو مكنتش حاضر)، ناقص رسوم الدفع اللي مش بترجع. مثال: لو دفعت سعر الإيرلي بيرد لباقة لايت 15,000 جنيه، وكنت حاجز جلسة فردية واحدة، وفيه لايف جماعي واحد اتعمل، يرجعلك 13,500 جنيه قبل خصم رسوم الدفع. بعد الـ 14 يوم مفيش استرجاع فلوس.
• تقدر تأجل مكانك لدفعة جاية مرة واحدة مجاناً، بس لازم تطلب التأجيل قبل بداية الدفعة بأسبوع على الأقل.
• التقسيط متاح بس على السعر الكامل (مش على سعر الإيرلي بيرد ولا سعر المجموعة):
  • باقة إليت: 50% حجز، و25% قبل البداية بيوم، و25% بعد 30 يوم من البداية.
  • باقة لايت: 50% حجز، و50% قبل البداية بيوم.
  • باقة برو: 50% حجز، و50% قبل البداية بيوم.
• المحتوى والملفات لاستخدامك الشخصي بس عشان تتعلم منها. تقدر تطبق اللي اتعلمته في مشاريعك، لكن ممنوع تستخدم المحتوى نفسه أو الملفات في تدريب حد، أو تشرحها في كورس أو ورشة، أو تنشرها، أو تبيعها، أو تشاركها مع أي حد. التفاصيل الكاملة والـ NDA في صفحة الشروط والأحكام.
• إصدار الشروط: 14 سبتمبر 2026.

٦. الملكية الفكرية وعدم الإفصاح

• جميع المواد التدريبية (فيديوهات، نصوص، عروض، ملفات، تمارين، صور، تسجيلات، شيتات عمل) مملوكة بالكامل لـ BrandSkool ومقدمي التدريب.
• المحتوى والملفات لاستخدامك الشخصي بس عشان تتعلم منها. تقدر تطبق اللي اتعلمته في مشاريعك، لكن ممنوع تستخدم المحتوى نفسه أو الملفات في تدريب حد، أو تشرحها في كورس أو ورشة، أو تنشرها، أو تبيعها، أو تشاركها مع أي حد.
• يُمنع نسخ أو إعادة توزيع أو بيع أو مشاركة أي جزء من المحتوى مع الغير بأي وسيلة من غير إذن كتابي مسبق من BrandSkool.
• المعلومات والأفكار والنماذج والدراسات اللي بتتشارك أثناء التدريب سرية، ويلتزم المتدرب بالحفاظ على سريتها حتى بعد انتهاء التدريب.
• أي خرق للشروط دي بيعرّض المخالف للمساءلة القانونية والتعويض.

٧. المحتوى والنتايج

كل اللي بنقدمه محتوى تعليمي. مفيش ضمان لتحقيق نتيجة أو دخل معين. الأرقام والنماذج المعروضة نتايج فردية لخريجين وعملاء، وبتختلف من شخص للتاني حسب خبرته والتزامه وسوقه.

٨. استخدامك للموقع

• بتلتزم إن البيانات اللي بتدخلها صحيحة وبتخصك.
• مش مسموح تستخدم الموقع بشكل يضر بيه أو بالغير، أو تحاول الوصول لأجزاء غير مصرح بيها، أو تستخدم أدوات آلية لجمع البيانات.
• الموقع بيعتمد على أدوات خارجية (Calendly وZoom وWistia وMeta) وكل أداة ليها شروطها وسياستها.

٩. حدود المسؤولية

الموقع والتدريب المجاني بيتقدموا "كما هما". في الحدود اللي القانون بيسمح بيها، BrandSkool مش مسؤولة عن أي خسارة غير مباشرة ناتجة عن استخدام الموقع أو الاعتماد على محتواه. مسؤوليتنا تجاه المشترك في الدبلومة بتتحدد في اتفاقية الاشتراك.

١٠. الإنهاء والتعديل

نقدر نوقف وصولك للموقع أو المحتوى لو خالفت الشروط دي. ونقدر نعدّل الشروط في أي وقت، والتعديل بيسري من تاريخ نشره فوق. استمرارك في الاستخدام بعد التعديل معناه موافقتك عليه.

١١. القانون والاختصاص

الشروط دي بيحكمها القانون المصري، وأي نزاع بيتحل ودياً أولاً، وإلا فمحاكم جمهورية مصر العربية هي المختصة.

١٢. التواصل

لأي سؤال عن الشروط دي: support@brandskool.net أو واتساب 01111612648.

These terms are published in Arabic. Email us for an English copy.